۰

مذاکرات مقامات امنیتی تاجیکستان و افغانستان در دوشنبه

سرپرست ریاست امنیت ملی افغانستان در سفر 2 روزه به «دوشنبه» با رئیس کمیته امنیت ملی تاجیکستان دیدار و گفت‌وگو کرد.
کد خبر: ۲۱۳۲۶۶
۱۰:۲۴ - ۲۶ دی ۱۳۹۸

به گزارش «شیعه نیوز»،  «احمد ضیا سراج» سرپرست ریاست امنیت ملی افغانستان در سفر 2 روزه به تاجیکستان با «سیدمومن یتیم اف» رئیس کمیته دولتی امنیت ملی این کشور ملاقات کرد.

در این دیدار مسائل مربوط به گسترش همکاری دوجانبه در زمینه تامین امنیت در منطقه، صلح و ثبات در افغانستان و سایر مسائل مهم بررسی شد.

مسائل مربوط به مبارزه مشترک با تروریسم، محافظت از مرز دولتی، جلوگیری از قاچاق مواد مخدر از دیگر موضوعاتی بود که طرفین در خصوص آن بحث و تبادل نظر کردند.

طرفین ابراز نگرانی کردند که قلمرو افغانستان با دخالت نیروهای مخرب بین المللی به میدان جنگ تبدیل شده که این وضعیت باعث تهدید و خطر برای کشورهای همسایه نیز می‌باشد.

مقامات امنیتی دو کشور با توجه به تهدید مستقیم سازمان‌های تروریستی بین المللی، از جمله «القاعده»، «داعش»، «انصار الله» و «حرکت اسلامی ترکستان شرقی» بر همکاریهای دوجانبه تاکید کردند.

طرف تاجیکی در این ملاقات از ریاست امنیت ملی افغانستان برای شناسایی و مبارزه بی رحمانه با گروه‌های تروریستی که با کسب آموزش‌های ویژه دستور انجام اقدامات تروریستی در تاجیکستان را داشتند، تشکر کرد.

طرفین آمادگی خود را برای تعمیق بیشتر همکاری برای تامین امنیت مرزهای 2 کشور در زمینه مبارزه با تروریسم، افراط‌گرایی، قاچاق مواد مخدر و اسلحه اعلام کردند.

در پایان این دیدار سرپرست ریاست امنیت ملی افغانستان از نتایج سفر خود به تاجیکستان ابراز رضایت و از رئیس کمیته دولتی امنیت ملی تاجیکستان برای انجام سفر به «کابل» در فرصت مناسب دعوت کرد.

منبع: فارس
ارسال نظرات
نظرات حاوی عبارات توهین آمیز منتشر نخواهد شد
نام:
ایمیل:
* نظر: